مجموعة ابناء مصر ليست ذات اطار خاص يقيدها..بل هي اقرب ما يكون لتجمع الناشطين الذي يدعم اي عمل
مدني او اجتماعي بالعناصر النشطة
والأفكار الإيجابية البناءة
********************
تعدعيم فكرة المجلة الإلكترونية و تفعيل الويب سايت الخاص بمجموعة ابناء مصر( لاحظوا ان اسمها اتغير من حركة ابناء مصر الى مجموعة ابناء مصر)
*********************
المشروع القائم حاليا هو تعريب الويكيبديا و ترجمة اي اخبار ترد عن مصر في اي صحيفة عالمية ( اللغات المتوفرة حاليا هي الإنجليزية..الي عنده غيرها يسجل اسمة عندي)
*******************
الهدف القادم هو اشهار جمعية بإسم ابناء مصر...حين تشتد الحاجة اليها..في الخطة الخمسية الجاية ان شاء الله
*******************
ربة السيف والقلم..بحكم كونها الصيدلانية الوحيدة..هتتولى قسم الصيدلة على الموقع..بالتعريف بالأدوية المتوافرة..والأدوية ذات الأزمات...بالإضافة الى مجموعة مقالات قيمة خاصة بعالم الأدوية في مصر والعالم..( المشروع ده محتاج دعم من البلوجرز الصيادلة...يقدروا يراسلوا شمس على مدونتها)
*******************
ممارسة الصحافة الشعبية الحقيقية...بمعنى اننا ننقل اخبار المناطق الشعبية...و نسلط الضوء على نشاطاتهم..سواء المدنية او الرياضية ( النشاط ده مالوش مشجعين غيري لحد دلوقتي) زي مثلا التنسيق مع مراكز الشباب وبيوت الثقافة الي موجودة في الأماكن الشعبية..بحيث اننا ننشر اخبار دورياتهم ونتابعهم...نمارس بالفعل دورنا كصحافة شعبية...كمان كان فيه اقتراح اننا ننفذ نفس الفكرة في السجون والليمانات( الإقتراح ده جديد لم يذكر في اللقاء بالمناسبة)
*****************
القيام بدور تثقيفي بحقوق وواجبات اصحاب المهن العمالية البسيطة..كالبائعات في المحلات او العمال الأرزقية..او اصحاب البقالة..
بمعنى ادق..نحاول نفهم الناس دي...ان فيه حد حاسس بيهم و بيسأل عليهم..وان لو حد فيهم تعرض لتحرش او استغلال..يقدر يدرك ان ده
هضم لحقوقة مش من ضمن واجبات وظيفته..( المشكلة دي بتواجه الفتيات بشكل اكبر بحكم كونهن عناصر هشة للإستغلال) الدور ده ممكن يتم من خلال كتيبات مطبوعة بسيطة الشكل والمحتوى..تفيد اصحاب كل مهنة بالروابط الي ممكن تخدمهم..وايه هي حقوقهم و نقابتهم موجودة فين..ده لو موجودة اصلا..الخ ( النشاط ده..لسة مالوش حد يتولاه..الي حابب يكون الأول يتفضل يعلن هنا ثم على بلوج الحركة..ثم على بلوجة الشخصي.)
****************
أخيرا وليس اخر..اتفقنا على ان من حق كل منا ان يتواجد زي ما هو..منغير ما حد يشكلة او يقولبة..او يحولة من اتجاه لإتجاه اخر
اتفقنا ايضا على ان نبدأ في الدعوة لهذه الأنشطة على المدونات بحيث ان الي مش عارف يبدأ منين..فها نحن نعطيه الخيط الأول
يلا يا رجال...عايزين اسماء
انا من ضمن مجموعة الترجمة...محتاجين متطوعين في النواحي التالية..( مجموعة تساعدنا في جمع الأخبار من المجلات..سواء العربية او الأجنبية, و مجموعة تترجم الأخبار من المجلات الأجنبية الى العربية)
بالإضافة الى فريق الويكيبيديا
احنا محتاجين من كل متطوع ساعة واحدة كل يوم
الاشتراك في:
تعليقات الرسالة (Atom)
هناك ١١ تعليقًا:
هو لازم اللى يشترك فى المجموعة يبقى عنده بلوج
انا معنديش بلوج بس عايزة اشترك
لا مش لازم يا وطنية بس أكتبي أيميلك أو أضيفي abna2masr@hotmail.com
وحنا هنتصل بيكي
يا ولادانامعاكم فى اى حاجة وانا هانضم رسمبا انا واسرتى للحزب قريباوقابلت ناس من الحزب فى القاهرة
بس ياريت اى نشاطات تدونى عنها فكرةعشان ابقى معاكم لانى مش من القاهرة بس سهل اكون معاكم فى اى حاجة
انا عاوز اشترك في موضوع عمل تحقيقات عن الطبقة الكادحة واصاحب المحلات والناس الغلابة واكشف عن بعض محاولات الاستغلال وتضييق الخناق عليهم من قبل ناس معدومي الضمير ومنتسبين للحكومةوشوفت بعيني محدش قالي
عمرو
ياريت اي عمل خيري يا جماعة ماتنسوناش فيه عمرو
فكرة حلوة...وانا احب اشارك في مجموعة ويكيبيديا
ندعوكم لزيارة مدونة خليك فى البيت والمشاركة فى الحملة
عمرو هوكي
ارسلتلك بالفعل ميل الإشتراك
مارفيلوس...
ارسلت اليك رسالة على بريدك الشخصي الموجود على بلوجك الخاص...بالتفاصيل
تحياتي
احم احم
كنت معدى من هنا
الله ع فكرة المجلة
انا اولا احب ان اشكر اخى منذر لانه هو اللى عرفنى بيكم
انا محمد مارو صاحب مدونة كلام و فش غليل
و انا بحب اوى العمل اللى فيه اختلاط بالناس و خاصة الناس اللى عيشه و مش عارفه اللى ليها و بالرغم انها بتعمل اللى عليها
اتمنى ان تقبلونى عضو معكم
و خالص شكرى لكل الاعضاء
و عاوز اعرف امتى هنبدا نشاطاتنا ؟
السلام عليكم
فكرة جميلة جدا اقبلوني معاكم مترجم لغة فرنسية. انا مش عارف ابتدي ازاي بس معاكم برضه في انتظار الرد
سلام مؤقت
إرسال تعليق